Námskeið í áhrifaríkum kynningum

Í sölu og samskiptum er nauðsynlegt að fanga athygli viðmælendans með skilaboðum sem sannfæra hann um ávinninginn af því að halda áfram að hlusta eða lesa. 

Lærðu að segja söguna þannig að hún sannfæri, að draga fram raunverulegan ávinning af hugmyndinni, vörunni eða þjónustunni þinni með sögutækni (e. storytelling) sem skapar trúverðugleika og tengingu.

Þú færð að kynnast aðferðafræði og verkfærum sem hjálpa þér að móta áhrifarík skilaboð, hvort sem þú ert í samtali við viðskiptavin, á fundi eða að halda erindi á  ráðstefnu.

Námskeiðið inniheldur fjarkennslu, kennslu á staðnum, verklegar æfingar og eftirfylgni.

Hvað lærir þú?

  • Að móta og segja frá virði 
  • Að nýta rödd, líkamstjáningu og sjónrænt efni til að auka trúverðugleika
  • Að skapa skýrleika og fá fólk með þér í breytingar, stefnu eða nýjar hugmyndir.
  • Snjalla notkun á gervigreind 
  • Að stjórna flæði og orku kynninga til að hrífa viðmælandann með
  • Að halda skýrar, sannfærandi kynningar sem miða að þörfum og sjónarhorni viðtakandans

Námskeiðið hentar fyrir:

  • Þau sem koma að sölu, ekki síst í B2B og lausnasölu
  • Vörueigendur, ráðgjafa og þjónustufólk sem kynna lausnir
  • Stjórnendur sem kynna stefnu, hugmyndir eða niðurstöður fyrir hagaðilum
  • Alla sem vilja skila skýrum og áhrifaríkum skilaboðum, í samtölum, á fundum eða sviði

Verð

Námskeiðið kostar 175.900 kr. + vsk. á mann.

Veittur er 15% afsláttur þegar 3 eða fleiri frá sama fyrirtæki koma saman. Hafið samband til að fá tilboð fyrir stærri hópa.

Mörg fyrirtæki geta nýtt sér styrki starfsmenntasjóða til námskeiðsins, t.d. í gegnum Áttina.
Espen Laeng kennir kynningar

Nýttu kraft frásagnarlistar í sölukynningum

Námskeiðið er samstarf Lóu Báru Magnúsdóttur hjá Protera og Espen Laeng, leiðandi þjálfara í B2B kynningum og sölutækni.

Lóa Bára hefur víðtæka reynslu úr sölu, markaðssetningu og vöruþróun og hefur leitt stefnumótun, umbreytingu og samskipti. Í dag vinnur hún með stjórnendum og teymum að því að skýra stefnu, móta skilaboð og ná meiri slagkrafti í samskiptum.

Espen hefur þjálfað þúsundir fagfólks í sölu, ráðgjafar og tæknigeiranum á Norðurlöndum. Hann hjálpar fólki að koma skilaboðum skýrt og sannfærandi frá sér með markvissri uppbyggingu, frásagnarlist og sjálfstrausti.

Þau sameina  leiðtogareynslu, frásagnarlist og hagnýta kynningatækni sem hjálpar þátttakendum að:

  •  Byggja upp sannfærandi sölukynningar
  • Nýta frásagnarlist til að hafa áhrif
  • Koma flóknum lausnum frá sér á skýran og skiljanlegan hátt 

Espen og Lóa hafa þjálfað leiðandi fyrirtæki í Norðurlöndunum og á Íslandi

Hvað segja fyrri þátttakendur?

Meðaleinkunn ánægju þátttakenda er 9,5 og 100% svarenda mæla með námskeiðinu.

Fyrirkomulag

Námskeiðið fer fram í litlum hópi og því er takmarkað sætamagn.

  • Undirbúningsfundur  
    3. júní, 11:00-12:00, fjarfundur.
    Undirbúningur fyrir námskeið og kennsla um kynningar á fjarfundum.
  • Heilsdagsnámskeið í Reykjavík 
    10. júní, 9:00-16:00 á Reykjavík Hilton Nordica. 
    Aðferðir, frásagnarform og tækni. Innifalið: morgun og síðdegiskaffi og hádegisverður á Vox.
  • Verkleg æfing (½ dagur)
    12. júní, 8:30-12:00 eða 13:00-16:30 á Reykjavík Hilton Nordica. 
    Þú heldur eigin kynningu, færð persónulega endurgjöf í smærri hópum.
    Innifalið kaffi og léttar veitingar.
  • Fjarfundur með eftirfylgni
    30. júní, 11:00-12:00
    Til að hámarka árangur er boðið upp á opinn spurninga- og umræðufundur um reynslu og beitingu aðferða í raunverulegum verkefnum.
Kynningartækni með Protera

Spurningar og svör

Á hvaða tungumáli fer námskeiðið fram?

Kennsla og kennsluefni er á ensku en þátttakendur geta valið hvort þau framkvæmi verklega æfingu á ensku eða íslensku. Við mælum með því að kynna á ensku til að fá sem mesta endurgjöf á bæði kynningartækni og innihald. Ef þú vilt kynna á íslensku er það í góðu lagi, en endurgjöfin verður þá takmarkaðri.

Fyrir hvern er námskeiðið?

Fyrir sölufólk, ráðgjafa, vörustjóra og stjórnendur sem vilja vera öruggari í kynningum, skerpa frásögn sína, koma skýrar að kjarna málsins og kynna flóknar lausnir á aðgengilegan hátt. Þú þarft ekki að vera með fyrri reynslu, bara opinn fyrir æfingu.

Hvað læri ég á námskeiðinu?

Þú lærir að byggja upp áhrifaríkar sölukynningar sem skila skýru virðistilboði, nota storytelling til að skapa samhengi og æfa framsögn sem tengir betur við viðskiptavini, hvort sem er í 1:1 samtali eða stærri kynningum.

Ég held sjaldan stórar kynningar, hentar námskeiðið mér?

Þetta námskeið snýst ekki bara um sviðskynningar. Það snýst um að koma skilaboðum á framfæri á skýran, áhrifaríkan og sannfærandi hátt – hvort sem er í fundi, 1:1 sölusamtali, í tölvupósti eða stærri kynningu.

Þú lærir:

  • Að koma frá þér virðisframboði á einfaldan hátt

  • Að aðlaga frásögn að ólíkum viðtakendum

  • Að vinna með efni sem nýtist í daglegum samskiptum og fundum

Þetta er námskeið fyrir alla sem þurfa að útskýra, sannfæra eða kynna – ekki bara fyrir þá sem standa reglulega á sviði.

Er námskeiðið aðeins fyrir fólk á fyrirtækjamarkaði?

Nei – en áherslan er á B2B samskipti.
Námskeiðið hentar sérstaklega vel fyrir þá sem starfa í B2B umhverfi þar sem flóknar lausnir og þjónusta þarf að koma skýrt og markvisst til skila.

Það er þó ekki útilokandi fyrir aðra. Ef þú þarft að kynna hugmyndir, útskýra virði eða sannfæra aðra með rökum og frásögn, þá færðu fullt af gagnlegum verkfærum hér.

Er hægt að fá einkakennslu?

Já, það stendur til boða að bóka einkakennslu annaðhvort fyrir einstakling eða fyrir hóp í fyrirtæki. Hafið samband og við gefum þér tilboð að klæðskerasniðinni þjálfun.

Af hverju þetta námskeið?
  • Kennsla í litlum hópi með persónulegri endurgjöf
  • Þú vinnur með eigin raunverulega kynningu
  • Alþjóðleg sérþekking og íslenskt samhengi
  • Verkleg æfing með markvissri endurgjöf
  • Eftirfylgni sem styður við innleiðingu
Ég starfa ekki við sölu, hentar námskeiðið mér?

Já. Þó að námskeiðið nýtist mjög vel í sölu snýst það fyrst og fremst um að koma hugmyndum, lausnum og sýn skýrt og sannfærandi á framfæri.

Fagfólk og leiðtogar í mörgum hlutverkum þarf að geta útskýrt flókin mál, sannfært aðra um góða lausn og fengið fólk með sér í ákvarðanir eða breytingar. Það á við um stjórnendur, sérfræðinga, ráðgjafa, vörueigendur og verkefnastjóra.

Ef þú þarft að kynna hugmyndir, móta umræðu eða fá fólk með þér í stefnu eða breytingar mun námskeiðið nýtast þér vel.

Er eitthvað fleira sem þú vilt vita?